Mətbəx çertyojunda həmişə üç görünüş olur: yuxarıdan, öndən və kəsik. Yuxarıdan görünüş nəyin harada durduğunu və keçid üçün nə qədər yer qaldığını göstərir. Dəst ilə ada arasında 90 santimetrdən az olsa, iki nəfərə darısqaldır.
Ölçülər millimetrlə və həmişə divardan qoyulur, qonşu şkafdan yox. Beləliklə bir modulun səhvi bütün cərgəni sürüşdürmür.
Kəsikdəki ştrix materialdır. Bir tərəfə əyri xətlər — LDSP, tor — daş və ya keramika. Ştrix yoxdursa, soruşun: deməli, material hələ seçilməyib.